Psychology

「最近真係好忙，冇時間練琴。」 呢句說話聽落好合理。現代人忙，學生有功課、考試、補習；大人有工作、家庭、社交。表面上，問題好似真係出喺「時間唔夠」。但如果我哋再深入少少去睇，會發現好多時候，「冇時間練琴」其實唔單止係時間管理問題，而係一個心理問題。 我哋試吓由心理角度，拆解呢句說話背後可能代表緊啲乜。 1. 「冇時間」有時其實係「我唔想面對自己未夠好」 練琴係一件好誠實嘅事。 當你坐低彈琴，你會立即知道自己節奏穩唔穩、手指夠唔夠獨立、樂句有冇表情、嗰段 passage 其實仲係彈得甩漏。琴唔會講大話，錄音更加唔會, 所以練琴有時會令人有壓力。 有啲人唔係懶，而係潛意識唔想接觸「自己仲未做到」嘅感覺。 於是，大腦就會搵一個比較舒服、比較合理嘅理由去保護自己： 「唔係我唔得，只係我冇時間。」 咁樣講，心理上會舒服好多。因為問題唔再係能力、紀律或者勇氣，而係外在環境。 2. 完美主義，往往係拖延嘅偽裝 有啲學生一諗起練琴，就覺得一定要有完整嘅一個鐘、要精神好、要環境靜、要由頭到尾好有系統咁練。結果呢？因為等唔到「最理想嘅時機」，最後索性唔開始。 「得二

學琴一段時間之後，好多人都會問同一個問題： 「點解我好似冇進步？」 明明每日都有練。 明明首歌比以前熟。 明明老師講嘅內容都有記低。 但一坐低彈，就覺得自己仲係咁。 手指唔夠穩、節奏有時飄、某幾粒音又係成日錯。於是你會懷疑：我係咪其實冇變過？ 其實有好多真正重要嘅進步，喺未睇得見之前，已經發生緊。 你以為冇進步，其實只係未「浮上嚟」 學琴唔係好似開燈掣，一撳就光。 佢更似種植物——你每日淋水、等、照顧，表面可能幾日都冇變化，但根其實一路向下生。 音樂學習都係一樣。 有時學生會同我講： 「我隻手仲係唔靈活。」 「我彈到呢度又kick住。」 「我都係未彈得好聽。」 但我聽落去，已經知道佢其實進步咗。點解？ 因為佢而家聽到自己唔夠好。 以前佢未必會留意到拍子鬆咗，未必會察覺旋律線斷咗，未必知道左右手平衡有問題。依家聽到，代表耳仔敏感咗，標準高咗，理解深咗。 呢種進步，唔係人人一眼睇到，但非常珍貴。 第一種睇唔到嘅進步：你開始識得「發現問題」 初學琴嘅時候，最大困難通常唔係彈唔到，而係唔知道自己邊度有問題。 當你一路學，你會開始知道： 呢句彈得太急 呢隻

學音樂，好多人一開始都會諗：「我要勤力啲！我要每日練多啲！」 但我反而覺得，學生進步得快唔快，關鍵未必係夠唔夠熱血，而係有冇養成有效率練習習慣。 你可以好有心，但如果練兩日、停三日，進度唔會好得去邊。 相反，就算你每日只係練 10 至 15 分鐘，只要夠穩定，長遠都可以追得好快。 所以今次想用一本好多人都聽過嘅書——《Atomic Habits》——講下點樣將佢套落音樂學習度，特別係學鋼琴、學樂器嗰啲日常練習。 《Atomic Habits》係講乜？ 《Atomic Habits》係 James Clear 寫嘅書，2018 年出版，之後好快就紅咗，因為佢唔係淨係講大道理，而係真係教你點樣建立習慣、改變行為。 書名入面個 “atomic”，唔係講原子彈嗰種「爆炸」，而係講細細粒，但力量可以好大。 即係話，你每一日做嘅小行動，表面睇落好似冇咩，但只要持續，最後個效果可以好驚人。 呢個概念放落音樂學習度，超級啱用。 因為學琴、學唱歌、學任何樂器，都唔係一晚突然開竅，而係靠你日積月累咁練返嚟。 學音樂最大問題，通常唔係唔識，而係唔夠穩定 好多學生唔係冇

好多家長陪小朋友學琴，最初都係抱住一個好簡單嘅心願：想佢有樣興趣、有啲音樂修養、學下專注，同時訓練毅力。 但學學下，唔少家庭都會發現，件事好似慢慢變咗質。 本來係學琴，最後變成日日催功課。 本來係想幫孩子，最後變成一開口就鬧交。 本來係親子時間，最後變成角力時間。 你叫佢去練琴，佢就拖。 你叫多兩句，佢就黑面。 你再講多句，大家就爆。 到呢個位，其實家長真係要停一停，問自己一句： 我而家同個仔女，喺學琴呢件事上，究竟係合作，定係對立？ 最辛苦嘅，未必係小朋友唔肯練，而係你覺得自己已經好努力 好多家長最委屈嘅地方係： 「我咁辛苦都係為你好，點解你仲要咁嘅態度？」 交學費、接送上堂、安排時間、陪練、提醒，樣樣都係家長做。見到小朋友懶懶閒、彈兩下又走開，真係好難唔火滾。 但問題係，小朋友未必會用你嘅角度去理解件事。 你覺得自己係「幫佢」，佢感受到嘅可能係「你成日催我」、「你成日話我唔得」、「一坐埋琴前就好有壓力」。 於是，家長越想推前一步，小朋友就越想退後一步。 你愈越緊張，佢越抗拒。 你越出力，關係反而越差。 學琴最怕唔係慢，最怕係變成日日對抗 其實

做咗咁多年音樂老師，我發現一樣嘢： 好多人成日以為自己失敗，唔係因為唔夠能力，而係未開始已經覺得自己唔得。 呢幾句說話, 唔少學生都講過： 「我冇天份。」 「我學極都唔識。」 「人哋一定叻過我啦。」 「我太遲先開始。」 「我一緊張就死。」 「算啦，我都唔係呢種材料。」 如果你都有諗過呢啲，我想好認真咁同你講一句： 你而家最需要處理嘅，未必係技巧問題，係你根本唔相信自己可以做到。 好多時，困住你嘅唔係能力，係你點睇自己 無論你想學音樂、轉工、讀書、創業，定係想令自己生活好啲，其實最難嗰關，往往都唔係外面，而係你個腦入面把聲。 嗰把聲成日會同你講： 「你唔夠好。」 「你一定會失敗。」 「人哋做到，你未必做到。」 「你都試過幾次啦，都係咁!」 當你日日都咁同自己講，你會開始信以為真。 跟住你就唔敢試、唔敢堅持、唔敢再行前一步。 最後唔係你冇機會成功，係你冇畀機會自己成功。 作為音樂老師，我見過太多「其實得，但以為自己唔得」嘅人 有啲學生，明明節奏感唔差，耳仔都唔差，隻歌未去到好好，但絕對唔係冇得救。 但佢一彈錯兩粒音，就即刻黑面，跟住話： 「我真係唔得