技巧

你聽過一句說話嗎： 「人賺不到認知範圍以外的錢。」 呢句說話喺創業、投資、自我成長圈子入面成日都有人講。意思唔係話你永遠冇機會突破，而係話：你而家理解到幾多、分辨到幾細、判斷到幾深，就大致決定咗你而家可以做到幾多。 這讓我自然聯想到另一句： 人彈唔出認知範圍以外嘅音色。 你手指做緊乜，其實你耳仔知道嗎? 好多學生學琴，初期最重視嘅係「彈啱音」、「跟啱拍子」、「唔好斷」。呢啲當然重要，因為呢啲係基本。但當你去到某一個階段，你會發現： 真正令演奏開始有層次嘅，唔係你有冇按對琴鍵，而係你知唔知自己想要乜嘢聲音。 如果你腦入面冇一個清楚嘅音色想像，你隻手就只會機械式咁落鍵。結果通常就係： 聲音硬 句子平 強弱粗 旋律冇方向 左右手各自為政 每粒音都「有彈到」，但冇「講到嘢」 技術只係執行工具，認知先係導航系統。 所謂「音色認知」係乜？ 好多人一聽到「音色」，就以為係好抽象、好高階、好藝術家先會理嘅嘢。 音色認知，簡單講，即係你有冇能力分辨同想像以下呢啲差別： 同樣係 forte，係華麗地響，定係粗暴地大聲 同樣係 piano，係有支撐嘅輕，定係虛弱嘅細.

老師成日都會叫你：「唔好停，繼續去！」但另一邊，彈錯音又會即刻畀人捉。咁問題就嚟啦：sight reading 嘅時候，到底係 notes accuracy 重要啲，定 rhythm accuracy 重要啲？ 好多人初學 sight reading，都會有個直覺：梗係要彈啱音啦，錯音好肉酸喎。呢個諗法唔算錯，不過如果你真係想提升 sight reading，答案其實冇咁簡單。因為喺實際音樂世界入面，rhythm accuracy 好多時比 notes accuracy 更影響成件事成唔成立。 先講清楚：sight reading 唔係慢慢拆譜 好多人對 sight reading 有個誤會，就係以為第一次見到份譜，然後慢慢逐粒音搵出嚟，就叫 sight reading。 Sight reading 重點唔係「零錯」，而係「即時讀到，同埋唔好斷氣」。 即係話，你見到份新譜，要盡量一路向前咁彈／唱／拉，過程入面可能有啲錯，但整體個 flow 仲喺度。你如果每兩拍停一次、諗一次、再試一次，咁就比較似拆譜，唔係真真正正嘅 sight reading。